വേലിയിൽ കിടന്ന പാമ്പിനെ യു ഡി എഫ് തോളത്തെടുത്ത് വെച്ച്; സന്ദീപ് വാര്യർക്കെതിരെ എൻഡിഎ സ്ഥാനാർത്ഥി സി കൃഷ്ണകുമാർ

ബിജെപി വിട്ട് കോൺഗ്രസിൽ ചേർന്ന സന്ദീപ് വാര്യർക്കെതിരെ പാലക്കാട് എൻഡിഎ സ്ഥാനാർത്ഥി സി കൃഷ്ണകുമാർ, വേലിയിൽ കിടന്ന പാമ്പിനെ യു ഡി എഫ് തോളത്തെടുത്ത് വെച്ച്. യു ഡി എഫ് കനത്ത തിരിച്ചടി നേരിടും. യുഡിഎഫിന്റെ പരമ്പരാഗത വോട്ടുകൾ പോലും പാലക്കാട് ചോരും സി കൃഷ്ണകുമാർ പറഞ്ഞു. എല്ലാ ആളുകളെയും എടുക്കുന്നതിനു മുൻപ് അവരെക്കുറിച്ച് ജനങ്ങളുടെ മനസ്സിൽ എങ്ങനെയാണെന്ന ബോധ്യം വേണമെന്നും അദ്ദേഹം ആരോപിച്ചു. എൽഡിഎഫിന്റെ പത്ര പരസ്യത്തിലൂടെ ന്യൂനപക്ഷ വോട്ടുകൾ നേടാനാണ് സിപിഐഎം ശ്രമിക്കുന്നതെന്നും സി കൃഷ്ണകുമാർ പറഞ്ഞു.

അതേസമയം, സന്ദീപ് വാര്യരുടെ  പാണക്കാട് സന്ദർശനം മുസ്ലിം ലീഗിന് തടയാമായിരുന്നുവെന്ന് മന്ത്രി മുഹമ്മദ് റിയാസ് ആരോപിച്ചിരുന്നു.  വർഗീയ ധ്രുവീകരണം സൃഷ്ടിക്കാനുള്ള ബിജെപി ശ്രമങ്ങൾക്ക് സഹായകരമാണ് പാണക്കാട്ടെ സന്ദർശനമെന്നും അദ്ദേഹം മാധ്യമങ്ങളോട് പറഞ്ഞു. ആർഎസ്എസിന്റെ ദീർഘകാല അജണ്ടകൾക്ക് സഹായകമാകുന്നതാണ് പണിയാണ് ലീഗ് എടുക്കുന്നതെന്നും അദ്ദേഹം കൂട്ടിച്ചേർത്ത്.