കേരളത്തോടെ കേന്ദ്രം വിവേചനം കാണിക്കുന്നു; എൽ ഡി എഫ് പ്രക്ഷോപം തുടരുന്നു
കേരളത്തോടെ കേന്ദ്രം വിവേചനം കാണിക്കുന്നു. എൽ ഡി എഫ് പ്രക്ഷോപം തുടരുന്നു.വയനാട് ദുരന്തത്തില്‍ കേരളത്തിന് അര്‍ഹമായ സഹായങ്ങള്‍ ഒന്നും നല്‍കാന്‍ തയ്യാറാവാത്തതുള്‍പ്പെടെ കേന്ദ്ര സര്‍ക്കാര്‍ കേരളത്തിനോട് കാണിക്കുന്ന വിവേചനത്തിനെതിരെയാണ് ഇടതുമുന്നണിയുടെ മാര്‍ച്ചും, ധര്‍ണ്ണയും നടത്തുന്നത്. ഈ സമരപരിപാടികൾ രാവിലെ 10.30 മുതല്‍ ഉച്ചയ്ക്ക് ഒരു മണിവരെയാണ് സംഘടിപ്പിച്ചിരിക്കുന്നത്. ഈ സമരം തിരുവനന്തപുരത്ത് രാജ്ഭവന് മുന്നിലും, ജില്ലകളില്‍ കേന്ദ്ര സര്‍ക്കാര്‍ സ്ഥാപനങ്ങള്‍ക്ക് മുന്നിലുമാണ് നടക്കുന്നത്.
രാജ്ഭവന് മുന്നില്‍ നടക്കുന്ന എൽ ഡി എഫ് പ്രക്ഷോഭം സിപിഎം സംസ്ഥാന സെക്രട്ടറി എം വി ഗോവിന്ദന്‍ ഉദ്ഘാടനം ചെയ്യും. പത്തനംതിട്ടയില്‍ മാത്യു ടി തോമസ്,കൊല്ലത്ത് ടി പി രാമകൃഷ്ണന്‍, എറണാകുളം പി സി ചാക്കോ,ആലപ്പുഴ പി കെ ശ്രീമതി, കോട്ടയം ഡോ. എന്‍ ജയരാജ്, വയനാട് അഹമ്മദ് ദേവര്‍കോവില്‍,കണ്ണൂര്‍ ഇ പി ജയരാജന്‍, പാലക്കാട് എ വിജയരാഘവന്‍, മലപ്പുറം എളമരം കരീം, കാസര്‍കോട് ഇ ചന്ദ്രശേഖരൻ കോഴിക്കോട് ശ്രേയസ്‌കുമാര്‍ എന്നിവരാണ് സമരങ്ങൾ ഉത്ഘാടനം ചെയ്യ്തിരിക്കുന്നത്.