മാധ്യമങ്ങളെ കാണേണ്ടപ്പോൾ കണ്ടോളാം; ആത്മകഥ വിവാദത്തിൽ മാധ്യമങ്ങളോട് ഇ പി ജയരാജൻ

ആത്മകഥ വിവാദത്തിൽ മാധ്യമങ്ങളുടെ ചോദ്യങ്ങളോട് പ്രതികരിക്കാതെ ഇ. പി ജയരാജൻ. ആത്മകഥ വിവാദത്തിൽ ചതിനടന്നോ എന്ന ചോദ്യ൦ ആയിരുന്നു മാധ്യമങ്ങൾ ചോദിച്ചിരുന്നത് ? എന്നാൽ കാണേണ്ടപ്പോൾ കണ്ടോളാം എന്ന് മാത്രമാണ് ഇ പി മറുപടി നൽകിയത്. സിപിഎം സംസ്ഥാന സെക്രട്ടേറിയറ്റ് യോഗത്തിൽ ഇ പി പങ്കെടുക്കുന്നതിനായി തിരുവനന്തപുരത്ത് എത്തിയപ്പോഴായിരുന്നു ഇങ്ങനൊരു പ്രതികരണം. അതേസമയം ഇന്നാണ് ആത്മകഥ വിവാദത്തെ സംബന്ധിച്ചു സിപിഎം സംസ്ഥാന സെക്രട്ടേറിയറ്റ് യോഗത്തിൽ ഇ പി വിശദീകരണം നൽകേണ്ടത്.

കഴിഞ്ഞ ദിവസം  പുസ്തകവുമായി ബന്ധപ്പെട്ട വാർത്തകൾ ഇ. പി ജയരാജൻ നിഷേധിച്ചിരുന്നു. തെരഞ്ഞെടുപ്പ് ദിവസം പാർട്ടിക്കെതിരെ വാർത്തകൾ സൃഷ്ടിക്കാൻ ബോധപൂർവം മെനഞ്ഞെടുത്തതാണിതെന്നും നിയമനടപടി സ്വീകരിക്കുമെന്നും ഇപി പറഞ്ഞിരുന്നു. എല്‍ഡിഎഫ് കണ്‍വീനര്‍ സ്ഥാനത്ത് നിന്ന് നീക്കിയ ശേഷം ആദ്യമായാണ് ഇ. പി.ജയരാജന്‍ ഇന്ന് സംസ്ഥാന സെക്രട്ടറിയേറ്റ് യോഗത്തില്‍ പങ്കെടുക്കുന്നത്.