കൊച്ചി നഗരത്തിലെ അങ്കണവാടിയിൽ ഭക്ഷ്യവിഷബാധ; 12 കുട്ടികൾ ചികത്സയിൽ

കൊച്ചി നഗരത്തിലെ അങ്കണവാടിയിൽ ഭക്ഷ്യവിഷബാധ. അങ്കണവാടിയിലെ 12 കുട്ടികള്‍ക്കാണ് ഭക്ഷ്യവിഷബാധയുണ്ടായിരിക്കുന്നത്. പൊന്നുരുന്നി ഈസ്റ്റ് നാരായണാശാൻ റോഡിലുള്ള അങ്കണവാടിയിലെ കുട്ടികള്‍ക്കാണ് ഭക്ഷ്യവിഷബാധ ഏറ്റിരിക്കുന്നത്. വ്യാഴാഴ്ചയാണ് കുട്ടികൾക്ക് ഭക്ഷ്യവിഷബാധയേറ്റത്. കുട്ടികള്‍ക്ക് വയറിളക്കവും ,ഛര്‍ദിയും ഉണ്ടായതോടെ ആശുപത്രിയിൽ ചികിത്സ തേടിയ്ത.

ഈ രോഗവ്യാപനം കുടിവെള്ളത്തില്‍നിന്നാണെന്നാണ് നാട്ടുകാര്‍ പറയുന്നത് .അങ്കണവാടിയിലേക്കുള്ള വാട്ടർ ടാങ്കിൽ ചത്ത പാറ്റകളെ കണ്ടെത്തിയതായും നാട്ടുകാർ ആരോപിക്കുന്നുണ്ട്. ആരോഗ്യവകുപ്പ് അധികൃതരെത്തി അങ്കണവാടി പരിസരങ്ങളും മറ്റും പരിശോധന നടത്തുകയും വെള്ളത്തിന്റെ സാംപിൾ ശേഖരിക്കുകയും ചെയ്തു.