സി പ്ലെയിനിൽ ഇടത് സർക്കാർ മേനി പറയുന്നത് കേട്ടാൽ ചിരിവന്നുപോകും; പരിഹാസവുമായി കുഞ്ഞാലി കുട്ടി

സി പ്ലെയിനിൽ ഇടത് സർക്കാർ മേനി പറയുന്നത് കേട്ടാൽ ചിരിവന്നുപോകും പരിഹാസവുമായി കുഞ്ഞാലി കുട്ടി. സീ പ്ലെയിൻ വിഷയത്തിൽ സംസ്ഥാന സർക്കാരിനെ പരിഹസിച്ച് പി.കെ കുഞ്ഞാലിക്കുട്ടി. അദ്ദേഹത്തിന്റെ ഫേസ്ബുക്കിലൂടെയായിരുന്നു ഈ പരിഹാസ വിമർശനം.2012 ൽ ഉമ്മൻചാണ്ടി സർക്കാർ ഈ പദ്ധതി കൊണ്ടുവന്നപ്പോൾ മീൻ കുഞ്ഞുങ്ങൾ ചത്തുപോകുമെന്ന് പറഞ്ഞ് പദ്ധതിയെ എതിർത്തവരാണ് സി.പി.ഐ.എമ്മുകാർ. അന്നത്തെ അവരുടെ വാദം തന്നെ പിലോപ്പിയ മീൻ കുഞ്ഞുങ്ങൾ ചത്തുപോകുമെന്നായിരുന്നു.

എന്തേ ഇപ്പോൾ ഈ മീൻ കുഞ്ഞുങ്ങളെ മാറ്റി പാർപ്പിച്ചോ,പരിഹസിച്ചുകൊണ്ട് കുഞ്ഞാലികുട്ടി ചോദിക്കുന്നു. അതുപോലെ ഇടതുപക്ഷം മേനിപറയും മുമ്പ് സോറിയാണ് പറയേണ്ടത്. സിപിഎഐമ്മിന് ബുദ്ധിയുണ്ടാവാൻ എത്ര കാലം എടുക്കും, സി പ്ലെയിന് മുമ്പേ എക്സ്പ്രസ് ഹൈവേയേയും സിപിഐഎം എതിർത്തു. പശുവിനെ എങ്ങനെ അപ്പുറത്തു നിന്നും ഇപ്പുറത്തെത്തിക്കുമെന്നാണ് അന്ന് ചോദിച്ചത്, അന്ന് ഇത്തരം വിഡ്ഡി ചോദ്യങ്ങൾ യുഡിഎഫ് ചോദിക്കാത്തതിനാൽ സർക്കാറിന് മുന്നോട്ടു കൊണ്ടുപോകാനായിഎന്നും കുഞ്ഞാലികുട്ടി പറയുന്നു.