സംഗീത സംവിധായകൻ ഇളയരാജയെ ശ്രീവില്ലി പുത്തൂർ ആണ്ടാൾ ക്ഷേത്രത്തിലെ അർധമണ്ഡപത്തിൽ പ്രവേശിക്കുന്നതിൽ തടഞ്ഞു അധികൃതർ  

സംഗീത സംവിധായകൻ ഇളയരാജയെ ശ്രീവില്ലി പുത്തൂർ ആണ്ടാൾ ക്ഷേത്രത്തിലെ അർധമണ്ഡപത്തിൽ പ്രവേശിക്കുന്നതിൽ തടഞ്ഞു അധികൃതർ. അദ്ദേഹം പ്രാർത്ഥിക്കാനായി അർത്ഥമണ്ഡപത്തിലേക്ക് പ്രവേശിക്കാന്‍ തുടങ്ങിയപ്പോഴാണ് ക്ഷേത്രം അധികൃതരും ,ഭക്തരും അദ്ദേഹത്തെ തടഞ്ഞത്. ഈ ആചാര ലംഘനം ആണെന്ന് പറഞ്ഞുകൊണ്ടായിരുന്നു ഇളയരാജയെ തടഞ്ഞത്.അതിനുശേഷം അദ്ദേഹത്തെ അർധമണ്ഡപത്തിന് പുറത്ത് നിന്ന് പൂജ നടത്തുകയും, പൂജാരികൾ അദ്ദേഹത്തെ ഹാരമണിയിച്ച് ആദരിക്കുകയും ചെയ്തു.

അദ്ദേഹത്തിന് ഹിന്ദു റിലീജിയസ് ആൻഡ് ചാരിറ്റബിൾ എൻഡോവ്‌മെൻറ് ഡിപ്പാര്‍ട്ട്മെൻറ് ഒരുക്കിയ സ്വീകരണവും നൽകി.ഈ സംഭവം ന്യൂസ് എക്‌സ് ഉൾപ്പെടെയുള്ള ദേശീയ മാധ്യമങ്ങളാണ് പുറത്തുവിട്ടത്. അതേസമയം കഴിഞ്ഞദിവസം ക്ഷേത്രത്തിൽ പ്രാർത്ഥനയ്ക്ക് എത്തിയ തിരുവണ്ണാമലൈ ജില്ലാ കളക്ടര്‍ക്കും പ്രവേശനം നിഷേധിച്ചിരുന്നു.