കോൺഗ്രസ് പുനഃസംഘടനമായി ബന്ധപെട്ട് എവിടെയും ഒരു ചർച്ചയും ആരംഭിച്ചിട്ടില്ല,പാർട്ടിയിലെ പ്രശ്നങ്ങൾ തീർക്കാൻ ഉന്നതാധികാര സമിതി ഉടൻ വിളിച്ചുകൂട്ടും; കെ മുരളീധരൻ
കോൺഗ്രസ് പുനഃ സംഘടനയുമായി ബന്ധപ്പെട്ട് എവിടെയും ഒരു ചർച്ചയും നിലവിൽ ആരംഭിച്ചിട്ടില്ലെന്ന് മുതിർന്ന കോൺഗ്രസ് നേതാവ് കെ മുരളീധരൻ. അതിന്റെ പേരിൽ പരസ്യ പ്രസ്താവനകളോ ,വിവാദങ്ങളോ ആവശ്യമില്ലെന്ന വ്യക്തമായ നിർദ്ദേശം എഐസിസി നൽകിയിട്ടുണ്ട് എന്നും അദ്ദേഹം പറഞ്ഞു. എല്ലാ ഘടകങ്ങളുമായും ചർച്ച ചെയ്തതിന് ശേഷം മാത്രമേ അത്തരം തീരുമാനങ്ങൾ എടുക്കൂ. പാർട്ടിക്കകത്തെ പ്രശ്നങ്ങൾ തീർക്കാൻ ഒരു ഉന്നതാധികാര സമിതി ഉടൻ തന്നെ വിളിച്ചുചേർക്കും.ഈ യോഗത്തിൽ വെച്ചുതന്നെ എല്ലാ വിഷയങ്ങൾക്കും പരിഹാരമുണ്ടാക്കുമെന്നും കെ മുരളീധരൻ പറഞ്ഞു.
പുനഃ സംഘടന നടന്നാൽ മാത്രമല്ലേ ആളുകളെ തഴഞ്ഞുവെന്നതിന് പ്രസക്തിയുളൂ, അഥവാ പുനഃസംഘടന നടക്കുമ്പോൾ അത് എല്ലാവരുമായി കൂടിയാലോചിച്ച് ഒരു തീരുമാനം ഉണ്ടാകും. എവിടെ നിന്നാണ് ഇപ്പോൾ പുനഃ സംഘടന ചർച്ച ഉണ്ടായതെന്ന് തനിക്ക് അറിയില്ല. ആരാണ് ഇതിന്റെ പിന്നിൽ .ഇല്ലാത്ത ഒരു പുനഃസംഘടന എങ്ങിനെയാണ് വന്നത് ? ആരെങ്കിലും പടച്ചുവിടുന്നതാണോ എന്ന് സംശയമുണ്ട് കെ മുരളീധരൻ പറഞ്ഞു.
