വഖഫ് ഭൂമി പ്രശ്‌നത്തില്‍ മുനമ്പത്തെ ജനങ്ങള്‍ക്ക് വീടുവിട്ട് ഇറങ്ങിപ്പോകേണ്ടി വരില്ല; കേന്ദ്രമന്ത്രി കിരണ്‍ റിജിജു
വഖഫ് ഭൂമി പ്രശ്‌നത്തില്‍ മുനമ്പത്തെ ജനങ്ങള്‍ക്ക് വീടുവിട്ട് ഇറങ്ങിപ്പോകേണ്ടി വരില്ലന്ന് കേന്ദ്രമന്ത്രി കിരണ്‍ റിജിജു പറയുന്നു. കേരളത്തില്‍ നടക്കുന്ന ഈ വിഷയ൦ കേന്ദ്രം വളരെ ഗൗരവത്തോടെ തന്നെ കാണുന്നുണ്ടെന്നും മന്ത്രി വ്യക്തമാക്കി. ബിജെപി നേതാവും മുന്‍ കേന്ദ്രമന്ത്രിയുമായ രാജീവ് ചന്ദ്രശേഖറും ഷോണ്‍ ജോര്‍ജും നല്‍കിയ നിവേദനത്തില്‍ മറുപടി നല്‍കുകയായിരുന്നു കേന്ദ്രമന്ത്രി കിരൺ റിജ്ജു. കേന്ദ്ര സർക്കാർ ലക്ഷ്യമിടുന്നത് തന്നെ നീതി ഉറപ്പാക്കുക എന്നതാണ് എന്നും അദ്ദേഹം പറഞ്ഞു.
ഒരു വിഭാഗത്തിനെതിരെയുള്ള നീക്കമല്ല ഇത് . കേരള സര്‍ക്കാര്‍ ഈ വിഷയത്തില്‍ രാഷ്ട്രീയം കളിക്കുകയാണ്. മുനമ്പത്തിന് നീതി കിട്ടിയിരിക്കും. വഖഫ് നിയമ ഭേദഗതി പാസാകുന്നതോടെ ഇത്തരം പ്രതിസന്ധികള്‍ ഇല്ലാതാകുമെന്നും മന്ത്രി പറഞ്ഞു. എന്നാൽ കഴിഞ്ഞ ദിവസം മുഖ്യ മന്ത്രി മുനമ്പത്തുനിന്ന് ആരെയും കുടിയിറക്കില്ലെന്നും ഭൂമിപ്രശ്നം ശാശ്വതമായി പരിഹരിക്കുമെന്നും പറഞ്ഞിരുന്നു.
