നവീൻ ബാബുവിന്റെ മരണവുമായി ബന്ധപ്പെട്ട്  പി പി ദിവ്യയുടെ ജാമ്യാപേക്ഷയിൽ വിധി ഈ മാസം  29 നെ 

കെ നവീൻ ബാബുവിന്റെ മരണവുമായി ബന്ധപ്പെട്ട്  പി പി ദിവ്യയുടെ ജാമ്യാപേക്ഷയിൽ ഈ മാസം  29 നെ വിധി പറയും.തലശ്ശേരി പ്രിൻസിപ്പൽ സെഷൻസ് കോടതിയിലെ ജഡ്ജി ജ. നിസാർ അഹമ്മദാണ് മുൻകൂർ ജാമ്യാപേക്ഷ പരിഗണിച്ചത്. അതുപോലെ നവീന്റെ കുടുംബത്തിന്റെ വക്കീൽ വിജിലൻസിന് പ്രശാന്തൻ നൽകിയ പരാതി വ്യാജമാണെന്ന് കണ്ടെത്തി. പെട്രോൾ പാമ്പ് ബിനാമി ഇടപാടും അതിലെ പിപി ദിവ്യയുടെ പങ്കും അന്വേഷിക്കണമെന്നും കൂടാതെ ഈ ഇടപാട് ജില്ലാ പഞ്ചായത്ത് പ്രസിഡന്റിന്റെ പരിധിയിൽ വരില്ല, പിന്നെ എങ്ങനെ ദിവ്യഇതിൽ ഇടപെട്ടത് എന്നും, അപ്പോൾ കടുത്ത വൈരാഗ്യം നവീൻ ബാബുവിനോട് ദിവ്യക്ക് ഉണ്ടായിരുന്നുവെന്നും കുടുംബം കോടതിയിൽ വാദിച്ചു.

ദിവ്യയ്ക്ക് വേണ്ടി ഹാജരായ അഭിഭാഷകൻ അഡ്വ കെ വിശ്വൻ പ്രസംഗത്തിന്റെ ഉള്ളടക്കം ആത്മഹത്യയിലേക്ക് നയിക്കുന്നതല്ലെന്നു വാദിച്ചു. നീ പോയി തുങ്ങി മരിച്ചോ എന്ന് പറഞ്ഞാൽ അത്  ആത്മഹത്യ പ്രേരണ കുറ്റം ചുമത്താൻ കഴിയില്ലെന്നാണ് സുപ്രീം കോടതി  പറഞ്ഞിട്ടുള്ളത്  ദിവ്യയുടെ അഭിഭാഷകൻ  പറഞ്ഞു. നവീൻ ബാബുവിനെതിരെ പരാതിയുണ്ടെന്ന് രേഖകൾ തെളിയിക്കുന്നുണ്ട്. പ്രശാന്തൻ ബിനാമിയാണോ എന്ന് അന്വേഷിക്കട്ടെ. ജാമ്യം ലഭിച്ചാൽ വേണമെങ്കിൽ ഇന്ന് തന്നെ ചോദ്യം ചെയ്യലിന് ഹാജരാകാൻ തയ്യാറാണ്. കളക്ടർ ഒന്നും അറിയാത്തപോലെ മൊഴി കൊടുത്തുവെന്നും പ്രതിഭാഗം കുറ്റപ്പെടുത്തി.