വഖഫ് ഭേദഗതി ബിൽ ബി.ജെ.പി സർക്കാർ പാസാക്കുമെന്ന് നിലപാട് കടുപ്പിച്ച് കേന്ദ്രസർക്കാർ
വഖഫ് ബിൽ വിഷയത്തിൽ നിലപാട് കടുപ്പിച്ച് കേന്ദ്രസർക്കാർ. വഖഫ് ഭേദഗതി ബിൽ ബി.ജെ.പി സർക്കാർ പാസാക്കുമെന്നും തങ്ങളെ തടയാൻ ആർക്കും കഴിയില്ലെന്നും കേന്ദ്ര ആഭ്യന്തര മന്ത്രി അമിത് ഷ. വഖഫ് നിയമം ഭേദഗതി ചെയ്യാനും ബോർഡിന്റെ ഘടനയിൽ മാറ്റം വരുത്താനും സമയമായെന്നും അദ്ദേഹം പറഞ്ഞു. ഝാർഖണ്ഡിലെ ബാഗ്മാരയിൽ നടന്ന തിരഞ്ഞെടുപ്പ് റാലിയിൽ സംസാരിക്കുകയയിരുന്നു
അദേഹം.
വഖഫ് ബോർഡിന് ഭൂമി തട്ടിയെടുക്കുന്ന സ്വഭാവമുണ്ടെന്നും കേന്ദ്ര മന്ത്രി ആരോപിച്ചു. 'കർണാടകയിൽ ഗ്രാമീണരുടെ സ്വത്തുക്കൾ വഖഫ് ബോർഡ് കൈക്കലാക്കി. ക്ഷേത്രങ്ങളുടേയും കർഷകരുടെയും ഭൂമി വഖഫ് തട്ടിയെടുത്തു.ഇതിനെതിരെ വഖഫ് ബോർഡിൽ മാറ്റങ്ങൾ വരുത്തണോ വേണ്ടയോ എന്നു നിങ്ങൾ തന്നെ പറയുക എന്നും കേന്ദ്ര മന്ത്രി അമിത് ഷ റാലിക്കിടയിൽ കൂട്ടിച്ചേർത്തു.
ഝാർകണ്ഡ് മുഖ്യമന്ത്രി ഹേമന്ത് സോറനും രാഹുൽ ഗാന്ധിയും പറയുന്നത് വഖഫ് ബോർഡിൽ മാറ്റങ്ങൾ വരുത്താൻ കഴിയില്ലെന്നാണ്. എന്നാൽ തങ്ങൾ മാറ്റങ്ങൾ വരുത്താൻ നോക്കട്ടെ എന്നും അമിത് ഷ അഭിപ്രായപ്പെടുന്നു.വഖഫിൽ മാറ്റങ്ങൾ വരുത്താൻ ബി ജെ പി കു കഴിയുമെന്നും തങ്ങളെ തടയാൻ അർകും കഴിയില്ലെന്നുമാണ് അമിത് ഷ കൂടിച്ചേർക്കുന്നത്.
