കള്ളപ്പണം ഒഴുക്കി തെരഞ്ഞെടുപ്പ് അട്ടിമറിക്കുകയെന്നത് ബിജെപിയുടെ രീതി; കൊടകര കുഴൽപ്പണ കേസിൽ ശക്തമായ അന്വേഷണം വേണമെന്ന്; എം വി ഗോവിന്ദൻ
കൊടകര കുഴൽപ്പണ കേസിലെ പുതിയ വെളിപ്പെടുത്തലിന്റെ അടിസ്ഥാനത്തിൽ ശക്തമായ അന്വേഷണം വേണമെന്ന് ആവശ്യപ്പെട്ട്കൊണ്ട് സിപിഎം സംസ്ഥാന സെക്രട്ടറി എം വി ഗോവിന്ദൻ. കൊടകര വെളിപ്പെടുത്തൽ ഗുരുതരമാണ് ,ഈ കേസ് ഇഡി അന്വേഷിക്കണ൦ എം വി ഗോവിന്ദൻ പറയുന്നു. ഇതെല്ലം നടന്നത് ബിജെപിയുടെ അറിവോടെയാണ്. കള്ളപ്പണം ഒഴുക്കി തെരഞ്ഞെടുപ്പ് അട്ടിമറിക്കുകയെന്നത് ബിജെപിയുടെ രീതിയാണ് ഗോവിന്ദൻ കുറ്റപ്പെടുത്തികൊണ്ട് പറഞ്ഞു.ഇപ്പോൾ നടക്കുന്ന തെരെഞ്ഞെടുപ്പിലു൦ ഈ കള്ളപ്പണം ബി ജെ പി ഉപയോഗിക്കുന്നുണ്ട്.
ഇതിനെതിരെ ഇ ഡി അന്വേഷണം വേണമെന്നും എം വി ഗോവിന്ദൻ പറയുന്നു.എന്നാൽ പ്രതിപക്ഷത്തിന്റെ കേസുകൾ മാത്രമേ ഇ ഡി അന്വേഷിക്കൂ എന്നും അദ്ദേഹം പറഞ്ഞു. ബിജെപി ഓഫീസിൽ കോടിക്കണക്കിന് രൂപ എത്തിച്ചതിനെ പറ്റിയാണ് വെളിപ്പെടുത്തൽ പുറത്തുവന്നിരിക്കുന്നത്. അക്കാര്യത്തിൽ സമഗ്ര അന്വേഷണം വേണം. കേരള പോലീസിന് അന്വേഷിക്കാൻ പരിമിതികളുണ്ടെന്നും അന്വേഷണം നടത്തേണ്ടത് ഇ ഡിയാണെന്നും എം വി ഗോവിന്ദൻ പറഞ്ഞു.കൂടാതെ ഇ ഡി അന്വേഷണം ആവശ്യപ്പെട്ടുള്ള ആം ആദ്മി ഹർജി തള്ളിയതിനാൽ നിയമപോരാട്ടത്തിൽ ഇനി പ്രസക്തിയില്ലെന്നും എം വി ഗോവിന്ദൻ ചൂണ്ടിക്കാട്ടി.
