സമൂഹത്തിൽ തെറ്റായ സന്ദേശങ്ങൾ എത്തുന്നു; സീരിയൽ മേഖലയിൽ സെൻസറിംഗ് ആവശ്യമാണ് , വനിത കമ്മീഷൻ അധ്യക്ഷ പി സതീദേവി
സീരിയൽ മേഖലയിൽ സെൻസറിംഗ് ആവശ്യമാണെന്ന് സംസ്ഥാന വനിത കമ്മീഷൻ അധ്യക്ഷ പി സതീദേവി. സമൂഹത്തിലേക്ക് തെറ്റായ സന്ദേശങ്ങൾ എത്തുന്നു സതീദേവി പറയുന്നു. അതുപോലെ സിനിമ മേഖലയെ പോലെ സീരിയൽ മേഖലയെ ആശ്രയിച്ചു ജീവിക്കുന്ന നിരവധി പേരുണ്ട് ,സീരിയൽ രംഗത്തെ സ്ത്രീകളുടെ പ്രശ്നങ്ങൾ കമ്മീഷന്റെ പരിഗണനയിലുണ്ടെന്നും പി സതീദേവി പറഞ്ഞു. 2017-2018 കാലത്താണ് മെഗാ സീരിയലുകൾ നിരോധിക്കണമെന്ന റിപ്പോർട്ട് നൽകിയത്. ആ റിപ്പോർട്ട് താൻ കണ്ടിട്ടില്ലെന്നും സതീദേവി പറഞ്ഞു.
അതേസമയം കഴിഞ്ഞ ആഴ്ച്ച പാലക്കാട് കോൺഗ്രസ് വനിത നേതാക്കളുടെ മുറികളിൽ പോലീസ് പരിശോധന നടത്തിയ സംഭവത്തിൽ അന്വേഷിച്ച് റിപ്പോർട്ട് നൽകാൻ ആവശ്യപ്പെട്ടിട്ടുണ്ടെന്നും പി സതീദേവി പറയുന്നു. എന്നാൽ മുറികളിലുണ്ടായിരുന്ന വനിത നേതാക്കൾ തങ്ങൾക്ക് പരാതി നൽകിയിട്ടില്ലെന്നും, എന്നാൽ മഹിള കോൺഗ്രസ് സംസ്ഥാന അധ്യക്ഷയുടെ പരാതിയിലാണ് ഇപ്പോൾ അന്വേഷണം നടത്തുന്നതെന്നും പി സതീദേവി പറഞ്ഞു.
